LBU 2002 inviterer til ein refleksjon omkring formidling av den gode nyare barne- og ungdomslitteraturen og om barnelitteraturen som kunstform. LBU er ei handbok for alle som arbeider med og interesserer seg for barne- og ungdomslitteratur. Den inneheld mellom anna aktuelle artiklar om barne- og ungdomslitteratur.
I årets utgåve diskuterer ein mellom anna om "Bør eller kan barnelitteraturen vere kunst?" Nei, svarer forfattaren og kritikaren Inger Åstenstad og grunngir og utdjupar svaret sitt. Tormod Haugens forfattarskap blir analysert i to artiklar, og ein artikkel tar for seg formidlinga av nokre av dei nyare bøkene hans i Mexico. Dessutan blir Jon Fosse presentert som barnebokforfattar i eit langt intervju, medan Harry Potter blir presentert av sin norske omsetjar Torstein Bugge Håverstad.
Blant mykje anna går dessutan Einar Økland tilbake i tid i sin "nekrolog" over ein smal sjanger, malebøkene, medan Jørgen Gaare og Øyvind Sjaastad les filosofi ut av evig aktuelle Astrid Lindgrens forfatterskap.
Per Olav Kaldestad
(f. 1947) er forfattar og organisasjonsmann. Han debuterte med diktsamlinga Kikkert i 1973 og har sidan skrive ei lang rekkje bøker i dei fleste sjangrar, både for vaksne og barn. Kaldestad er i dag mest kjend for sine barnebøker, men har ein lang forfattarskap bak seg, der eit av kjenneteikna er stor variasjon. Kaldestad turnerer uanstrengt mellom ulike stilartar, og skriv like gjerne gammalengelske sonettar som ramsalt, vestlandsk ferjekrim. Kaldestad har gjort mykje for å fremje kunnskap om norsk barnelitteratur, m.a. som medredaktør for Årboka for barne- og ungdomslitteratur og bildeboknettverket Ord & Bilde. Han har òg vore formann i organisasjonen Norske Barne- og Ungdomsforfattere. For boka Sola klappar meg fekk Kaldestad i 1993 Æresliste-diplom Pier Paolo Vergetio (Europeisk barnebokpris). I 1997 mottok han Samlagsprisen, og i 2001 fekk han Askeladdprisen for sin forfattarskap og for arbeidet med Årboka for barne- og ungdomslitteratur. Kaldestad er utdanna cand. philol., men er i dag forfattar på heiltid. Han bur på Stord.
Æresliste-diplom Pier Paolo Vergetio (Europeisk barnebokpris) i klassen for poesi
For Sola klappar meg.
Betaling og personvern
Alle transaksjonar er sikre og krypterte. Kredittkortinformasjon blir aldri lagra.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO
