Hardtslåande og mangslungen diktsekvens frå den prisvinnande poeten Terrance Hayes.
Som svart mann i dagens USA har Terrance Hayes inngåande kjennskap til det konstante trugsmålet om rasistisk vald. I denne diktsamlinga teiknar han det skjøre omrisset kring spørsmål om rase, kjønn og undertrykking med utgangspunkt i samtidas politiske situasjon. Han trekker også linjene bakover gjennom USAs rasistiske og valdelege historie, samtidig som han koplar på både den klassiske og den moderne litteraturen.
Gjennom 70 sonettar vekslar Hayes mellom knallhard realisme og rørande visjonar, frå blodig alvor til underfundig humor. Innimellom set han fingeren på det vakre i det nesten banale, innimellom blir dikta meir introspektive og krinsar kring forholdet mellom far og son.
Gjendikta frå amerikansk ved Ida Hove Solberg og Sofia Knudsen Estifanos.
Sitat frå melding
«Velplasserte poenger og retoriske krumspring kjennetegner disse diktene. Men Hayes gir også plass til hud og pust, og skaper en akutt kroppslighet, et mer livfullt og rytmisk språk som tilfører noe mer til det politiske engasjementet. [...] Amerikanske sonettar til min fortidige og framtidige snikmordar er dypt amerikansk, og likevel fyller den kanskje et tomrom her hos oss, hvor rasismen ikke er like synlig for alle, og hvor de som opplever den, følgelig er enda mer ensomme» - Katrine Heiberg, Morgenbladet «Gjendiktarane har gjort eit solid arbeid med sonettane, og samlinga må lesast av alle som ynskjer å vera oppdaterte på den nyaste amerikanske poesien.» - Kjetil Berthelsen, Dag og Tid «Det er på mange måter et imponerende arbeid Ida Hove Solberg og Sofia Knudsen Estifanos har begitt seg ut på, og samlet sett lykkes de godt med sin gjendikting, hvor de klarer å beholde flyten, temperaturen og musikaliteten i Hayes. dikt.» - Tomine Sandal, BLA «Hayes. språk er vitalt og dynamisk, fullt av overraskelser. Flowen er leken, tidvis med en himmelsk vridd vrimmel av innrim og bokstavrim [.]» - Espen Stueland, Klassekampen «En forfatter Hayes har mye felles med, er Claudia Rankine (f. 1963), som ble utgitt i Samlagets poesiserie i 2018. Både Medborgar og den ikke gjendiktede, men helt fabelaktige Just Us (2020), er sentrale bidrag til å forstå rasismen i USA i dag. Det samme må sies om Terrance Hayes. Han skriver nok mer utpreget poetisk enn Rankine i disse to bøkene: hans ordekvilibrisme er et språk som både bobler over av latter og er dypt alvorlig» - Espen Stueland, Klassekampen
Bla-i-boka
Terrance Hayes
Terrance Hayes (f. 1971) er blant dei mest markante poetane i USA i dag. Han er opptatt av populærkultur, rasespørsmål, musikk og maskulinitet, og sidan debuten i 1999, Muscular Music, har han gitt ut seks diktbøker og éi essaysamling. Hayes har mottatt ei røys med prisar, nominasjonar og utmerkingar, mellom anna National Book Award i 2010 for Lighthead. Amerikanske sonettar til min fortidige og framtidige snikmordar er den første boka hans som blir gjendikta til norsk.
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO