Arne Garborg har ein eineståande posisjon i norsk litteratur. Han skreiv truleg den beste romanen i sin periode (Fred), den beste diktsamlinga (Haugtussa), det første store nynorske dramaet (Læraren) og nokre av dei beste essaya i norsk litteratur (Hanna Winsnes Kogebog).
Denne eineståande innsatsen hadde ein mørk bakgrunn. Faren var alvorleg sinnslidande, og då Garborg var 19 år, enda faren livet for eiga hand. Mykje av Garborgs forfattarskap handlar om å forstå kvifor dette hende. Dette traumaet, kombinert med heilt uvanleg intelligens og orienteringsevne, førte Garborg inn i dei fleste filosofiske og religiøse straumdrag i samtida. Han beveger seg frå tradisjonell kristendom til vitskapstru og religionskritikk, vender tilbake til grunnspørsmåla i tilværet, og skaper til slutt si eiga originale tolking av Jesus og Det nye testamentet. Vi kan følgje dette i meisterverk som Bondestudentar, Fred, Trætte Mænd, Haugtussa og Den burtkomne Faderen.
Jan Inge Sørbø har skrive ei medrivande og lettfatteleg bok om korleis Garborg orienterer seg i si samtid, og viser samanhengen i denne omfattande og stadig nyorienterte forfattarskapen.
Meldingar
"Garborg blir analysert i den oppbrotstida han levde i, og som han tok så sterk del med si formidling av europeiske impulsar. Han har gjeve oss noko av den beste litteraturen me har her til lands, og som essayist var han i særklasse. Sørbø viser oss kvifor, lettlest og utvunge."
Alf Kjetil Igland , Fædrelandsvennen
"[...] eit psykologisk portrett av Garborg som både er grundig og truverdig, og som viser samanhengen mellom liv og livsverk."
Tom Hetland , Bergens Tidene
"Jan Inge Sørbø viser spennet i Garborgs liv og diktning. Dette er en politisk, filosofisk og inspirerende bok."
Ingvild Bræin , Klassekampen
""Å lesa ein god Garborg-tekst er som å få eit handtrykk så sterkt at det smertar," skriv Sørbø. Fingrane er visst litt kvite etter boka hans òg."
Tom Hetland , Stavanger Aftenblad
"Det er sus i biografien. Selv bokanalysen - som er merkevare i Sørbø sine biografier - føyer seg ledig inn i fortellingen som fortelling, de er del av en dramaturgi. Kall det en vakker vilje til å formidle. Han skriver i F-dur, om vi konfererer affektlæren i musikken - den pastorale tonearten, vennlig og avspent, standhaftig og kjærlig. Og likevel, han holder Garborg på en armlengdes avstand. Slik - mellom forteller glede og fordøyd kunnskap - blir Garborg levende igjen."
Olav Egil Aune , Vårt Land
Bla-i-boka
Jan Inge Sørbø
Jan Inge Sørbø (f. 1954) er litteraturvitar, forfattar og journalist frå Bru i Ryfylke. Han er professor ved Institutt for sosialfag, Høgskulen i Volda. Han debuterte som skjønnlitterær forfattar med diktsamlinga Lågt skydekke i 1986 og har seinare skrive ei rekkje bøker i fleire sjangrar. Han har mellom anna skrive kritikarroste biografiar om Ronald Fangen, Alfred Hauge og Hans Skjervheim og romanar baserte på liva til Alexander Kielland, Ludvig van Beethoven og Fartein Valen. I 2009 ga han ut Ørneflukt og ormegard – ein kritikarrost biografi om Olav Aukrust, og i 2010 kom Lyset frå fars ansikt. Refleksjonar ved livets slutt. Den kritikarroste Nynorsk litteraturhistorie kom i 2017.
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO