Hundre år etter den russiske revolusjonen og fem hundre år etter reformasjonen oppstår ein diktarleg tale om fråvær av fellesskap i vår tid. Er fellesskapen død? Og om så er: Er det mogleg å vekkje han opp? Leif Høghaugs andre diktbok utforskar ein idé om korleis fortidas messianisme kan verke i notida for å skape ei ny framtid. Kommunion 2017 blir til i spennet mellom lyrikk og prosa, elegi og humor, dialekt og skriftspråk, og framstår som ein samtale med ei rad messianske forfattarar: Marx, Luther, Dante, Shakespeare, Lenin, Hölderlin, Yeats, Joyce ...
Leif Høghaug (f. 1974) er utdanna litteraturvitar, har undervist ved Universitetet i Oslo og Forfattarstudiet i Bø i Telemark, og har skrive bokmeldingar og essays for ei rekkje aviser og tidsskrifter. I åra 2010-2015 arbeida han som redaktør i Bokvennen Forlag. Han debuterte skjønnlitterært i 2012 med diktboka Fama, og er også aktiv som omsetjar. Han har mellom anna gjendikta Julian T. Brolaski frå amerikansk, og arbeider med å omsetje James Joyces Finnegans Wake til norsk.
Meldingar
Leif Høghaugs dikt har sin styrke på detaljnivå, fulle av oppfinnsomme formuleringer, fullstablet av litterære og filosofiske referanser og sitater.
Freddy Fjellheim, Vårt Land
Å lesa Leif Høghaugs Kommunion 2017 er som å lesa Ulysses av James Joyce. Du kjem inn i eit labyrintisk verk der perspektivet heile tida byter. ... Det er ei spennande bok han har skrive, Leif Høghaug. Ikkje lyrisk, det er meir ein tankemaskin enn eit musikalsk stykke ein møter. Akkurat som hos Joyce, tenker eg meg. Styrkane og veikskapane er dei same. Og det seier ikkje lite.
Hadle Oftedal Andersen, Klassekampen
Leif Høghaug
Leif Høghaug (f. 1974) debuterte med diktboka Fama i 2012. I 2017 kom hans andre diktbok, Kommunion 2017. Høghaug er også omsetjar og har mellom anna omsett bøker av Julian T. Brolaski og Marx og Engels’ Det kommunistiske partis manifest til norsk, og han arbeider for tida med ei komplett omsetjing av James Joyces Finnegans Wake. Kælven er hans første roman.
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO