Profesjonsetikk for psykologar
Forfattarane viser korleis profesjonsetikken spring ut av det samfunnsmandatet psykologar har. Profesjonsetiske retningslinjer (EPNP) og gjeldande lovverk blir gjennomgått, og tema som teieplikt, bruk av tvang, fagleg tvil og rolleforståing blir grundig behandla. Kjennskap til grunnlagsetikk er eit viktig bakteppe for etisk refleksjon, og i eit eige kapittel blir dei viktigaste etiske teoriane presentert. Her viser forfattarane korleis teoriane gir ulike inngangar til etiske dilemma. Forfattarane illustrerer typiske etiske problemfelt gjennom gjenkjennelege vignettar der studentane blir inviterte til å bruke «Den etiske beslutningsprosessen» for å oppøve etisk refleksjon. Avslutningsvis blir forskingsetikk behandla i eit eige kapittel.
Nina Dalen (f. 1960) er psykologspesialist, privatpraktiserande psykolog og tidlegare leiar av Fagetisk råd. Ho er dessutan medlem av «Board of Ethics», som er etikkomiteen til den europeiske samanslutninga av psykologforeiningar. Dalen har tidlegare bidratt i fleire antologiar om profesjonsetikk og blogga om etikk på psykologforeningen.no.
Knut Dalen (f. 1954) er professor i klinisk nevropsykologi og privatpraktiserande psykolog. Han har vore leiar for Fagetisk råd og er no leiar av ankeutvalet for fagetiske klagesaker i Norsk psykologforening. Dalen har vore medlem i REK Vest, Den nasjonale komiteen for medisinsk og helsefagleg forskingsetikk og det forskingsetiske ekspertpanelet til EU-kommisjonen, og er i dag medlem i Den rettsmedisinske kommisjon. Han har tidlegare gitt ut ei rekkje nasjonale og internasjonale publikasjonar og bokkapittel om profesjons- og forskingsetikk.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO