Barns fritidstekstar: uformell lesing og skriving - relevans for skolen
Denne boka handlar om barn og unge og kva slags tekstar dei liker å lese, skape og delta i på fritida. Formålet er å seie noko om den tekstkompetansen barn får i kvardagen når dei nyttar tekstar av ulike slag. Det kan til dømes vere når dei spelar spel, når dei skriv meldingar på mobilen og deltek på sosiale medium, og når dei nyttar skrift og teikning. Boka gir også innsikt i korleis vi kan analysere og tolke desse ulike tekstane, og ho drøftar kva slags nytte vaksne som jobbar med barn, til dømes i barnehage og skole, kan ha av å vite noko om barns tekstlege fritidserfaringar.
Boka er tenkt for studentar i grunnskolelærarutdanninga og barnehagelærarutdanninga og andre som skal arbeide med barn, og som dermed også har som oppgåve å støtte barn i deira leik, læring og utvikling av tekstleg og språkleg medvit.
Maja Michelsen (f. 1979) er førsteamanuensis i norsk ved Avdeling for lærarutdanning ved Høgskolen i Østfold. Ho er særleg opptatt av barns tekstkompetanse og barns skriving i sosiale medium.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO