Are Kalvø

Foto: Geir Henning Hopland

Last ned portrett

Litterære prisar

Kringkastingsprisen

Kringkastingsprisen 2005

Sigmund Skard-stipendet

Sigmund Skard-stipendet for 2001

Wesselprisen

Wesselprisen for 1999

Oslo by sin kunstnarpris

Oslo by sin kunstnarpris for 1998

Scheibler-legatet sin heiderspris

Scheibler-legatet sin heiderspris for 1997

Vinjeprisen

Vinjeprisen for 1997

Årets frilansar

Årets frilansar 1995.

(f. 1969) kjem frå Stranda og er ein av verdas største nynorsk-humoristar. Dette har han dokumentert gjennom ein lang karriere som forfattar, radioprogramleiar, avisspaltist og stå-opp-komikar. Dei populære bøkene hans er samla mellom tre permar i Greatest hits vol 1 – the early years (2003), Greatest hits vol 2 – the golden years (2004) og Greatest hits vol 3 – the travelling years (2009). Her er satiriske perler som m.a. Kunsten å vere neger, Bibelen 2, Syden, Våre venner kinesarane og tilgjengeleg for lesarane i praktiske utgåver med bonusmateriell.

Kalvø er utdanna cand.mag. med mellomfag i sosiologi og grunnfag i statsvitskap og kunsthistorie. Han har arbeidd fulltid med humor og satire sidan 1994, hovudsakleg som kåsør, tekstforfattar og programleiar i NRK, men òg som stå-opp-komikar, forfattar av satiriske bøker og fast spaltist i Arbeiderbladet/Dagsavisen sidan 1992. Han har motteke ei rekkje prisar og hatt stor suksess med scenetekstane Norge-Brasil, ein fotballopera, Kalvø, ein time av livet ditt du aldri får tilbake og Halve kongeriket. Norsk politikk - the musical.