Trude Teige
Trude Teige (f. 1960) er journalist i TV2, der ho har vore tilsett sidan 1992. Ho har blant anna laga dokumentaren KameratAr om krisa i Arbeiderpartiet, som vekte stor oppsikt i slutten av august. Havet syng er hennar første bok. Trude Teige bur i Asker, men er fødd i Fosnavåg, Herøy kommune, Møre og Romsdal. Ho er gift og har tre barn; Emilie, og tvillingane Synne og Fredrik. Teige er utdanna fagomsetjar frå ADH i Kristiansand og har dessutan journalistutdanning frå England. Tidlegare har Teige jobba som salskoordinator i eit firma som dreiv med undervassteknologi i Bergen, vore journalist i Bergens Tidende, og i NRK Møre og Romsdal/Dagsnytt i 6 år. Dessutan har ho tidlegare undervist i piano og vore kordirigent.