Syn og segn. Hefte 2-2020: tidsskrift for kultur, samfunn & politikk
REISE: Forfattarane Kristin Fridtun, Arnhild Skre og Kristin Sørsdal har skrive om å reise, men med tre heilt ulike utgangspunkt. Medan Fridtun tek føre seg mangelen på utferdstrong og ser nærare på heimfødingen som fenomen, skriv Skre fram forteljinga om då Hulda Garborg måtte reise heim frå Europa med venninna Fernanda Nissen i ei urne. Sørsdal tek oss òg med nedover i Europa og skildrar kontrastane mellom å reise som flyktning og å reise som turist - og korleis koronakrisa kan opne for det uventa.
KRISEPOESI: Tharaniga Rajah vart sjølv råka av sjukdommen. Då ho låg åleine heime i leilegheita si og ikkje fekk puste, skreiv ho eit dødsdikt. Frode Grytten skriv fram ein merkeleg dag i april, der store og skumle hendingar ute i verda møter det nære og vakre i eit sterkt langdikt. I tillegg kan du lese dikt av Jon Fosse, Kjersti Wøien Håland, Kristina Leganger Iversen - og ei vise signert Kjartan Fløgstad.
NOVELLER: Alf Kjetil Walgermo har skrive ei var novelle frå kyrkjerommet frå eit presteperspektiv og Gaute Sortland har utforska fenomenet survivalism eller prepping og kva det vil seie å bli sjukeleg oppteken av å førebu seg på alle verdas katastrofar som aldri kjem til å skje - eller gjer dei?
I tillegg kan du lese Morten Søberg om den siste riksrettssaka i Noreg med ei økonomisk krise som bakteppe, Unni Eikeseth om kva virus eigentleg er, Ingrid Senje sine observasjonar frå eit vindauge i Milano og eit essay om den makelause Fru Gustavsen, signert Jan Inge Sørbø.
God sommarlesnad!
Janne Nygård
Litterære prisar
Målros 2013
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO